വീട്

രാവിലെ എഴുന്നേറ്റു മുറ്റമടിച്ചു ചായ തിളപ്പിച്ച്‌ കഞ്ഞിക്കു തീ കൂട്ടി പാറുഅമ്മ പടിയില്ലിരുന്നു .എല്ലാവരും എഴുന്നേറ്റു വരുന്നതേയുള്ളു .പലര്‍ക്കും പല ഇടങ്ങളില്‍ പോകേണ്ടവര്‍ .അവര്‍ പോയാല്‍ പാറു അമ്മ തനിച്ചാണ്. വീട് വൃത്തിയാക്കി പാത്രം കഴുകി വസ്ത്രങ്ങള്‍ കഴുകി കഴിഞ്ഞാല്‍ നേരം ഉച്ച .പിന്നെ അല്ലറ ചില്ലറ പണി ചെയ്തു സമയം കളയും . പക്ഷെ ഇന്ന് പാറു അമ്മയ്ക്ക് പണി ചെയ്യുമ്പോള്‍ ഭാരം തോന്നി .നീണ്ട പതിനെട്ടു വര്‍ഷം താന്‍ ഇവിടെ ജോലി ചെയ്തു .വയസ്സായി ...ഇന്ന് പിരിയുകയാണ് . പടിയിറങ്ങ്ബോള്‍ എവിടെ നിന്നോ ഒരു തേങ്ങല്‍ പാറുവമ്മ കേട്ടത് പോലൊരു തോന്നല്‍ ...

മതസൌഹാര്‍ദം

സുബഹ് ബാങ്ക് കേട്ടപ്പോള്‍ ആണ് പാറുഅമ്മ എണീറ്റത് .മുറ്റമടിച്ചു കഞ്ഞിക്കു തീ കൂട്ടി ചായ തിളപ്പിച്ച്‌ എല്ലാവര്‍ക്കും വേണ്ട ഭക്ഷണം തയ്യാറാക്കി എല്ലാവരെയ്യും യാത്ര അയച്ചു അവള്‍ മറ്റു പണിയിലേക്ക് തിരിഞ്ഞു .പുര തുത്ത് വാരി പാത്രമോതുക്കി അലക്കി കഴിഞ്ഞപ്പോള്‍ ളോഹ്ര്‍ ബാങ്ക് കേട്ടത് .ഭക്ഷണം കഴിച്ചു ഉച്ച മയക്കം കഴിഞ്ഞു എഴുന്നേറ്റു അവള്‍ എല്ലാവരെയും കാത്തിരിക്കാന്‍ തുടങ്ങി .
അസര്‍ ബാങ്ക് കെട്ടപോള്‍ അവള്‍ എല്ലാവര്‍ക്കും വേണ്ട ചായയും പലഹാരങ്ങളും ഉണ്ടാക്കി വച്ചു .എല്ലാവരും കൂടണഞ്ഞു .മഗ്ഗരിബു ബാങ്ക് കെട്ടപോള്‍ അവര്‍ ഉമ്മറ കോലായില്‍ ദീപം കത്തിച്ചു പ്രാര്‍ത്ഥിക്കാന്‍ തുടങ്ങി .ഇശാക്ക് എല്ലാവരും ഭക്ഷണം കഴിച്ചു ഉറങ്ങാന്‍ പോയി .പാറുഅമ്മയുടെ ഒരു ദിവസം അങ്ങനെ അവസാനിച്ചു .വീണ്ടും സുബഹ് ബാങ്ക് കേട്ടു ....

റിമോട്ട് കണ്‍ട്രോള്‍

ഒരു സ്വിച്ച് ല്‍ അയാള്‍ ലോക സഞ്ചാരം നടത്തി മടങ്ങി വന്നപ്പോള്‍ ഭാര്യയും മക്കളും തന്‍റെ നിയന്ത്രണത്തില്‍ പ്രവര്‍ത്തിക്കുന്ന റോബോട്ടുകളായി അയാള്‍ക്ക്‌ തോന്നി .അവരെ നിയന്ത്രിക്കവെ അയാള്‍ക്ക്‌ നഷ്ട്ടപെട്ടത് സ്നേഹത്തിന്‍റെ തരംഗങ്ങള്‍ ‍ ആയിരുന്നു .