ഒരു വാക്ക്

മരണശയയ്യില്‍ ജീവിതത്തില്‍  പറയാന്‍ വിട്ടു പോയ ഒരു പാട് വാക്കുകള്‍ക്കു വേണ്ടി അയാളുടെ ചുണ്ടുകള്‍ വിറച്ചു .

ചാവേര്‍

ഒടുവില്‍ തന്റെ  ഊഴമെത്തി . ചാവേര്‍ ആകുവാന്‍ ആണ് തന്റെ  യോഗം അവള്‍ വീടിനയും കുഞ്ഞിനെയും   കുറിച്ച്  ആലോചിച്ചു    മനസ്സ്   ദ്രഢമാക്കി  ,വീട്ടുകാര്‍ക്ക് ആവശ്യമായ പണം അവരെത്തിച്ചു കൊടുക്കും പിന്നെ താന്‍ ഒന്നും അറിയേണ്ട അനുജത്തിയുടെ കല്യാണം വീട്ടിലെ പ്രാരാബ്ധം  എല്ലാം തീരും .
അവള്‍ ചാവേറായി ജനങ്ങള്‍ക്കിടയില്‍ പാഞ്ഞു കയറി .പെട്ടന്നാനവള്‍ കണ്ടത് തന്‍റെ മകന്‍ തന്റെ അടുത്തേക്ക് ഓടി വരുന്നു, തന്റെ അനുജത്തിമാര്‍ മന്ദസ്മിതം തൂകി നില്‍ക്കുന്നു .ചുറ്റും തന്റെ അമ്മയുടെ മുഖം.എല്ലാവർക്കും ഒരേ ച്ഛായ . തനിക്കു ഇനി ഒന്നും ചെയ്യാന്‍ കഴിയില്ല .അവള്‍ തല താഴ്ത്തി പിന്നെ ഒരു പൊട്ടിത്തെറി എല്ലാം അവസാനിച്ചു .

മാമ്പഴം

    വീട് ,മുറ്റത്തൊരു മാവ് .
       ഭര്‍തൃ വീട്ടില്‍ അവള്‍ ഓടി ചാടി നടന്നു .പൂക്കാലം വന്നു .......കിളികള്‍ പാടി ......അണ്ണാന്‍ ചിലച്ചു .......മാവ് പൂവിട്ടു .ഇലച്ചാര്‍ത്തിനിടയില്‍ ആദ്യത്തെ മാങ്ങ കണ്ടപ്പോള്‍ അവളുടെ മനസ്സ് തുള്ളി .മാമ്പഴം പറിക്കാന്‍ അവള്‍ എത്തിച്ചു  ചാടി,അപ്പോള്‍  അകത്തു നിന്നും അമ്മായി അപ്പന്‍റെ കനത്ത ശബ്ദം ........"ഇവിടെ ആരും മാങ്ങ പറി ക്കരുത് ............അത് കൊടുക്കാന്‍  ഉള്ളതാ.അവളുടെ മുഖത്തു വിഷാദ ഭാവം നിറഞ്ഞു .അവള്‍ പയ്യെ പയ്യെ സങ്കടത്തോടെ തിരിഞ്ഞു നടന്നു .അപ്പോള്‍ മുകളില്‍ നിന്നും ചില്‍ ചില്‍ ശബ്ദത്തോടെ ഒരു  അണ്ണാന്‍  അവളെ കളിയാക്കാന്‍ തുടങ്ങി .  

              പിന്നെയും കാലങ്ങള്‍ കടന്നു പോയി .പൊഴിയുന്ന ഓരോ മാമ്പഴവും അവള്‍ വേദനയോടെ നോക്കി നിന്നു .